ओखलढुंगा । जिल्ला अदालत ओखलढुंगाको नवनिर्मित भवन समुद्घाटन गरिएको छ । भ्याट बाहेक १९ करोड ६४ लाख १८ हजार २३५ रुपैयाँमा निर्माण सम्पन्न भएको सुविधासम्पन्न भवनको आज (सोमबार) एक भब्य कार्यक्रममा बिच समुद्घाटन गरिएको हो । भवनको कार्यक्रममका प्रमुख अतिथी तथा सर्वोच्च अदालतका प्रधान न्यायाधिष प्रकासमान सिंह राउतले उद्घाटन गरे ।
उद्घाटन पश्चात उनले भवनको सम्पूर्ण क्षेत्र अवलोकन गरेका थिए । कार्यक्रममा भवन निर्माणका लागि जग्गा प्रदान गर्ने जग्गादाता, निर्माण ब्यवसायी र सिद्धिचरण नगरपालिकालाई सम्मान समेत गरिएको छ । भवन उद्घाटन कार्यक्रमलाई प्रधान न्यायधिष राउत सहित पूर्व प्रधान न्यायाधिष हरिकृष्ण कार्की, राज्य ब्यवस्था तथा सुसासन समितीका सभापति तथा संघिय सांसद रामहरी खतितवडा, सर्वोच्च अदालतका न्यायाधिष विनोद शर्मा लगायतले सम्बोधन गरेका थिए ।
उनिहरुले जिल्ला अदालतको भवन जिल्लामै सबैभन्दा सुविधासम्पन्न भएको भन्दै सेवा प्रवाहमा समेत निकै सहज हुने अपेक्षा ब्यक्त गरे । ओखलढुंगाका जिल्ला न्यायाधिष गिरीराज गौतमले स्वागत मन्तब्य ब्यक्त गरेको उक्त कार्यक्रम उच्च अदालत विराटनगर अस्थाई ईजलास ओखलढुंगाका मुख्य न्यायाधिष धिरबहादुर चन्दको अध्यक्षतामा सम्पन्न भएको थियो । सिद्धिचरण नगरपालिका ११ स्थित मन्चनेडाँडामा निर्माण सम्पन्न भएको जिल्ला अदालतको उक्त भवन साँढे ४ तलाको छ
साधन र स्रोतको उपलब्धता मात्रले न्यायको कुनै उदेश्यमा सबथोक हो भन्ने लाग्नु हुँदैन : प्रधान न्यायाधिष राउत
सर्वोच्च अदालतका प्रधान न्यायाधिष प्रकासमान सिंह राउतले साधन र स्रोतको उपलब्धता मात्रले न्यायको कुनै उदेश्यमा सबथोक हो भन्ने लाग्न नहुने बताएका छन । जिल्ला अदालत ओखलढुंगाको सूविधा सम्पन्न भवन समुद्घाटन गर्न आज ओखलढुंगा आएका राउतले भौतिक विकासहरु केवल साधन मात्र भएको भन्दै वास्तविक न्यायको अनुभूती निष्पक्ष कार्यसम्पादन, ब्यवसायिक कार्यशैली र ईमान्दारितापूर्ण ब्यवहारबाट प्रदर्शित हुनुपर्ने बताएका हुन ।
उनले अदालतको विशाल भवन ठडिए झैँ न्यायालयले आफ्नो सार्थक गरिमा उचो पार्दै न्यायपालिकाको शिर पनि ठडिएको छ भन्ने आभास दिन अपरिहार्य रहेको बताए । न्यायपालिका विवादहरुको चाङमा रहनुपर्ने तर स्वयम आफु निर्विवाद हुनुपर्ने चुनौती सँधैब रहने भएकाले यस्तो अवस्थामा विवादहरुको विवाद रहित निरोपण गर्ने कार्यमा प्रमुख २ तत्वहरु न्यायिक जनशत्तिको सक्षमता र ईमान्दारिता महत्वपुर्ण हुन्छन भन्ने तथ्यलाई मनन् गर्न पनि अपरिहार्य रहेको उनको भनाई थियो ।
ईमान्दार ब्यक्तिमा पनि क्षमता छैन भने त्यसले अपेक्षित परिणाम नदिने र ब्यक्ति क्षमतावान भएर पनि ईमान छैन भने त्यो झन भयानक हुने सम्भावना रहने राउतले बताए । उनले न्यायकर्मीहरु सक्षम ईमान्दारिताको साथै सेवामुखी र न्यायप्रेमी छन भन्ने विश्वास ब्यक्त गरे । न्यायकर्मीहरुको कार्यसम्पादनमा कसैले प्रश्न उठाउन नसक्ने गरि सँधै रहन सक्नुपर्ने भन्दै उनले न्यायकर्मीहरुले लिएको असल मार्ग र न्याय नेतृत्वमा सँधैब आफ्नो साथ र सहयोग रहने बताए ।
न्यायालयको भौतिक संरचनाले कार्यसम्पादनमा प्रभाव पार्ने भन्दै उनले न्यायको उपभोक्ता र सेवाग्राहीहरुलाई सहज र पहुँच योग्य सेवा प्रवाहका लागि अदालतको आन्तरिक ब्यवस्थापन तथा न्यायिक सुुनुवाईको प्रभावकारीता अपरिहार्य रहेको बताए ।
