ओखलढुंगा । जिल्लाको खिजीदेम्बा गाउँपालिका ८ रावाटोलमा करेन्ट लागेर एक जनाको मृत्यु भएको छ । आज (सोमबार) बिहान करिब १० बजेतिर कैलाली जिल्लाको साबिक हसुलिया गाबिस ४ का ३० बर्षिय बिन्दु चौधरीको मृत्यु भएको हो ।
खिजिदेम्बाको रावाटोल स्थितमा रहेको सिग्माकोण प्रा.लि. काठमाण्डौको ठेक्कामा रहेको ट्रान्सफर्मरमा चार्ज गर्ने क्रममा करेन्ट लागेर चौधरीको मृत्यु भएको प्रहरीले जनाएको छ ।
उनी उक्त प्रालिको कर्मचारी रहेको खुलेको छ । घटना बारे थप जानकारी आउन बाकी रहेको जिल्ला प्रहरी कार्यालय ओखलढुंगाले जनाएको छ ।
साङ्केतिक तस्बिर
