ओखलढुंगा । जिल्लाको लिखु गाउँपालिका–५, काफ्ले टोलमा चट्याङ लागेर एउटा भैँसी मरेको छ ।
स्थानीय चूडा बहादुर काफ्लेको बाँसको टाटीले बनाइएको गोठमा बाँधेर राखिएको भैँसी गए रातिको वर्षासँगै परेको चट्याङ लाग्दा गोठमै मृत फेला परेको हो।
घटनाबारे जानकारी पाएपछि आज (बुधबार) बिहान ८ बजे प्रहरी चौकी यसमबाट खटिएको टोलीले घटनास्थल पुगेर आवश्यक जानकारी संकलन गरेको थियो ।
मृत अवस्थामा भेटिएको भैँसीको शरीरमा कुनै बाह्य चोटपटक नदेखिएको जिल्ला प्रहरी कार्यालय ओखलढुंगाका प्रहरी निरीक्षक विजय कार्कीले जानकारी दिए ।
