ओखलढुंगा: हाडनाता करणी गरेको आरोपमा एक पुरुष पक्राउ गरेका छन् । खिजीदेम्बा गाउँपालिका ३ का १८ बर्षिय युवतीमाथी जवरजस्ती करणी गरेको आरोपमा नाताले काका पर्ने ५१ बर्षिय पुरुष पक्राउ परेका हुन् ।
सुस्त मनस्थिती भएकी युवातीमाथी गत साउन २६ गते ललाईफकाई घरमा कोही नभएको समयमा ति पुरुषले जवरजस्ती करणी गरेको प्रहरीमा जाहेरी परेको छ । जाहेरीका आधारमा उनलाई बुधबार पक्राउ गरेर हिरासतमा लिएको जिल्ला प्रहरी कार्यालय ओखलढुंगाका प्रहरी निरिक्षक देवेन्द्र दासले जानकारी दिए ।
पिडित पक्षको जाहेरीका आधारमा ति पुरुषलाई पक्राउ गरी थप अनुसन्धानलाई अगाडी बढाईएको प्रहरी निरिक्षक दासको भनाई छ । पिडित महिलाको पनि स्वास्थ्य परिक्षण लगायतको प्रकृया अघि बढेको जिल्ला प्रहरी कार्यालय अोलखढुंगाले जनाएको छ ।
