ओखलढुंगा। मोलुङ गाउपालिका ६ श्रीचौरूका स्थानीय कर्मा शेर्पाको घरमा आगलागी हुदाँ बेपत्ता भएका उनका १५ महिने छोराको आगलागीमा परेर मृत्युु भएको अनुमान गरिएको छ ।
बुधबार अपरान्ह निज शेर्पा र उनीकी श्रीमती आफन्तको घरमा गएको समयमा उनका ३ बर्षीय छोरा मिङमार शेर्पाले लाईटर मार्फत आगो बाल्ने क्रममा आगलागी भएको थियो ।
आगलागीमा परि बेपत्ता भएकाे भनिएका १५ महिने बालक फुर्वा शेर्पा घरभित्र पुर्ण रूपमा जलेको अवस्थामा फेला परेको छ । प्रहरीका अनुसार बालकको शव जस्तै देखिने घरभित्र मासुको डल्ला फेला परेको छ ।
उक्त मासुको डल्लालाई आवश्यक परिक्षणका लागि जिल्ला अस्पताल रूम्जाटारमा पठाईएको जिल्ला प्रहरी प्रमुख दिपक केसीले बताए ।
आगलागीबाट शेर्पाको करिब १५ लाख बराबरको क्षति भएको प्रहरीले जनाएको छ ।
