ओखलढुंगा । नेपाली कांग्रेसका सभापति तथा शेरबहादुर देउवाले पार्टी कार्यलय (बिपि स्मृती) भबन उद्घाटन गरेका छन । १ करोड २२ लाख ५८ हजार लागतमा झण्डै २ बर्ष अघि निर्माण सम्पन भएको उक्त कार्यालय भवन आज (मंगलबार) उनले उद्घाटन गरेका हुन ।
भवन निर्माण गर्न काँग्रेस सम्बद्ध कर्मचारी, नेता कार्यकर्ता र शिक्षकहरु समेत गरि ५ सय ५० बढी दाताहरुको सहयोग रहेको छ । भवनमा स्व. नेता मित्रशेन दाहालको स्मृतिमा पुस्तकालय समेत स्थापना गरिएको पार्टीका जिल्ला सचिव राजकुमार ढुंगानाले जानकारी दिए ।
भवन निर्माण अघिल्लो बर्ष नै भएकोमा भए पनि स्थानिय तथा प्रदेश संघको निर्वाचन नगायतका कामले उद्घाटन भने ढिलाइ भएको कांग्रेसले जनाएको छ ।
सभापति देउवा सङै महामन्त्री गगनकुमार थापा, शेखर कोइराला, सहमहामन्त्री भिष्मराज आङ्देम्बे, केन्द्रिय सदस्य मीन विश्वकर्मा, प्रदिपकुमार सुनुवार, कोशी प्रदेशका मुख्यमन्त्री केदार कार्की लगायतका नेताहरु पनि ओखलढुंगा आएका थिए । उनीहरुले जिल्ला सम्मेलनलाई समेत सम्बोधन गरेका थिए ।
